ملګري ملتونه: سرپرست حکومت دې له ځنډ پرته د ښځو پر وړاندې بندیزونه لرې کړي
د ملګرو متلونو سازمان د بشري حقونو شورا په غونډه کې چې پرون په جینوا کې جوړه شوه،
د کابل۲۴ د راپور پر اساس، د غونډې ګډونوالو ویلي، چې په افغانستان کې د ښځو حقونه تر پښو لاندې شوي دي. د دغې غونډې ګډونوال له سرپرست حکومته غواړي چې د ښځو په وړاندې بندیزونه له ځنډ پرته لرې کړي.
د افغانستان لپاره د ملګرو ملتونو د بشري حقونو شورا راپور ورکونکي ریچارډ بېنېټ هم په دې غونډه کې خپل راپور شریک کړ.
نوموړي ویلي چې د افغانستان اوسنی حکومت د نړۍوالې ټولنې پر وړاندې باید په خپلو ژمنو عمل وکړي او د ټولګډونه حکومت د رامنځته کېدو لپاره ګام پورته کړي.
په دې غونډه کې د قطر، پاکستان، د اروپايي ټولنې استازي او د ځینو نورو هېوادونو استازو، په افغانستان کې د نجونو د زدهکړو لپاره د زمینې پر برابرېدو هم ټينګار کړی دی.
