د ریاست الوزراء سیاسي مرستیال د افغانستان لپاره د بریتانیا له شارژدافیر رابرټ چټېرټون ډېکسن او مل پلاوي سره کتلي دي.

د کابل۲۴ د راپور پر اساس، په دې کتنه کې د برېتانیا شارژدافیر د افغانستان او بریتانیې ترمنځ د اړیکو رغولو پر اړتیا او دې برخې ته د بریتانیا پر لېوالتیا خبرې کړې دي. نوموړي ویلي، دوی د افغانانو د هوساینې په موخه له سرپرست حکومت سره ګډ کار کوي.

رابرټ چټېرټون ډېکسن د سرپرست حکومت او بریتانیا په ذیعلاقه موضوعاتو د بحثونو پر دوام ټینګار کړی او ویلي یې دي چې، بریتانیا یو بسیا افغانستان د نړۍ په ګټه بولي او له همدې امله له سرپرست حکومت سره د مثبت تعامل غوښتونکي دي.

نوموړي د سرپرست حکومت چارواکو ډا‌ډ ورکړی، چې د شته ستونزو د حل لپاره به ورسره ګډې هڅې وکړي.