په ناروې کې د افغانستان د وضعیت په هکله د اوسلو غونډې په نوم یوې غونډې په کار پېل وکړ.
د کابل۲۴ د راپور پر اساس، د ناروې د بهرنیو چارو وزیرې انېکن هویټفلډ ویلي، چې په دغې غونډه کې د افغانستان د سرپرست حکومت پلاوي او ځينې مدني فعالان کډون لري او ټاکل شوې، چې په دې غونډه کې د نړۍوالې ټولنې پر وړاندې د سرپرست حکومت کړنې وڅېړل شي.
مېرمن هویټفلډ ویلي چې دا غونډه د اوسلو او کابل په ګټه ده. تمه کېږي، چې په دې غونډه کې له نړۍ سره د سرپرست حکومت کړې ژمنې هم وارزول شي.
بل خوا، په دې غونډه کې په افغانستان کې د کډوالو لپاره د ناروې د پلاوي د دفتر رییس د سرپرست حکومت د استازي حضور او د افغانانو د بشري ستونزو په تړاو خبرې ښه او مهم اقدام بولي.
په دې غونډه کې په بهرنیو چارو کې د پاکستان د دولت وزیره حنا رباني کهر او د افغانستان لپاره د پاکستان ځانګړی استازی آصف علي خان درانی ګډون کوي.
