د آلمان د بهرنیو چارو وزیره وايي، له افغانانو سره یې د هېواد پیوستون نه ماتیدونکی دی او آلمان په افغانستان کې د بشري حقونو دفاع ته دوام ورکوي.
د کابل۲۴ د راپور پر اساس، د آلمان د بهرنیو چارو وزارت د یوې اعلامیې په خپرولو سره ویلي چې انالینا بیربوک دغه موضوع په افغانستان کې د بشري حقونو په برخه کې د ملګرو ملتونو له ځانګړي استازی ریچارد بینیټ سره په کتنه کې مطرح کړې ده.
سرچینه زیاتوي، چې په دې کتنه کې د افغانستان پر وضعیت او له افغانانو د ملاتړ په اړه خبرې وشوې.
د یادونې وړ ده، چې پر افغانستان د طالبانو بیا واکمنېدو وروسته د حکومت هغه لومړیتوبونه چې په پراخه کچه یې نړیوالې اندېښنې او غبرګونونه راپارولي، هلته د طالبانو له خوا د ښځو پر وړاندې ځپونکې پالیسۍ او اقدامات بلل شوي، چې لا هم دوام لري.
