مقام‌های تاجیکستان اعلام کرده اند که روند رسیدگی به درخواست پناهندگی افغان‌ها در این کشور را از سر می‌گیرند.
به گزارش کابل۲۴؛ دولت تاجیکستان گفته که روند بررسی هزاران درخواستی پناهندگی شهروندان افغانستان را با همکاری سازمان ملل متحد از سر می‌گیرد.
طبق قانون پناهندگی تاجیکستان، متقاضیان پناهندگی ابتدا یک کارت سبز با اعتبار سه ماهه دریافت می‌کنند و سپس در صورت قبولی درخواست پناهندگی، به متقاضیان یک کارت سرخ داده می‌شود که دارنده آن در تاجیکستان رسما به عنوان پناهنده شناخته می‌شود.
تاجیکستان پس از سقوط افغانستان به دست طالبان در آگیست سال گذشته میلادی، صدور کارت‌های پناهندگی به افغان‌ها را متوقف کرد.
بر بنیاد معلومات سازمان ملل هم اکنون بیش از 14 هزار پناهجوی افغان در تاجیکستان بسر می‌برند. این افراد پس از سقوط دولت پیشین افغانستان به آن کشور پناه بردند.
