امامعلی رحمان؛ رییس جمهور تاجیکستان روز سه‌شنبه، سوم میزان در هفتاد و نهمین نشست مجمع عمومی سازمان ملل از جامعه بین‌المللی درخواست کرد تا برای جلوگیری از وقوع بحران انسانی در افغانستان کمک کند.
او تاکید کرد که تاجیکستان از صلح و ثبات پایدار در افغانستان حمایت می‌کند.
کابل ۲۴: امامعلی رحمان گفت تاجیکستان همواره آماده است تا در احیاء و توسعه بخش‌های مختلف در افغانستان مشارکت کند و وعده کمک داد.
او افزود: «ما از برقراری صلح و ثبات پایدار و همچنین توسعه اقتصادی و اجتماعی در افغانستان حمایت می‌کنیم.»
رییس جمهور تاجیکستان همچنین از جامعه جهانی درخواست کرد تا «از هیچ تلاشی برای کمک به مردم رنج‌دیده افغانستان، به‌ویژه مناطق آسیب‌دیده از بلایای طبیعی، دریغ نکنند تا از وقوع یک بحران انسانی در این کشور جنگ‌زده جلوگیری شود.»
تاجیکستان از کشورهایی است که به‌شدت از وضعیت افغانستان نگران است. دوشنبه تنها پایتخت در منطقه است که با ا.ا روابط دیپلماتیک ندارد.
مقامات تاجیکستان بارها از تهدیدهای ناشی از خاک افغانستان ابراز نگرانی کرده‌اند.
