شرکت ملی برق تاجیکستان می‌گوید افغانستان از آن کشور ۳۳ میلیون دالر امریکایی از پول برق بدهکار است.محمود عمر آسوزاده؛ مدیر عامل شرکت برق تاجیکستان گفته است که شرکت برق‌رسانی افغانستان یا برشنا قول داده است که بدهی خود را در هفته جاری پرداخت کند.
به گزارش آسیا پلاس، آسوزاده با اشاره به اینکه مشکل اصلی در پرداخت بدهی بانک‌های افغانستان که اکنون تنها می‌توانند دو میلیون دالر در هر هفته پرداخت کند.
او گفته است که برشنا در ماه جنوری دو میلیون دالر بدهی خود را پرداخت کرده است.
بر اساس داده‌ها، تاجیکستان در سال گذشته در مجموع ۵۶٫۳ میلیون دالر برق به افغانستان صادر کرده است.
در آغاز سال گذشته، شرکت‌های برق تاجیکستان و افغانستان قراردادی را برای تامین حدود ۱٫۵ میلیارد کیلووات در ساعت برق از تاجیکستان به افغانستان امضا کرده بودند.
این در حالیست که برشنا صدها میلیون افغانی از زورمندان و فرماندهان جهادی طلب دارد و پرداخت نمی‌شود.
