وزارت خارجه روسیه در مورد تشدید تنش میان طالبان و تاجیکستان هشدار داده و گفته‌است که مسکو از تاجیکستان با قاطع‌ترین اقدام حمایت می‌کند.به گزارش رسانه‌های روسی، ماریا زاخارووا؛ سخنگوی وزارت خارجه روسیه امروز (پنجشنبه، ۱۵ میزان) در یک نشست خبری در پاسخ به سوالی درباره احتمال درگیری میان تاجیکستان و طالبان گفته‌است در صورت تشدید اوضاع در مرز تاجیکستان و افغانستان، روسیه قاطع‌ترین اقدام را برای کمک به تاجیکستان انجام خواهد داد.
ز
به گفته او، پایگاه نظامی ۲۰۱ روسیه در خاک تاجیکستان برای کمک به این کشور با مدرن‌ترین تجهیزات آماده است.
وزارت خارجه روسیه هفته گذشته از تاجیکستان و افغانستان خواسته بود که هر نوع اختلاف میان دو کشور را به طرز قابل قبولی حل کنند.
این وزارت گفته بود براساس اطلاعاتی که طالبان به دست داده‌اند ده‌ها هزار نیروی ویژه این گروه به ولایت تخار در مجاورت تاجیکستان اعزام و مستقر شده‌اند.
این تنش پس اظهارات پی هم رییس جمهوری تاجیکستان در مورد تشکیل دولت فراگیر در افغانستان بروز کرد.
طالبان تاکید امام‌علی رحمان بر تشکیل دولت فراگیر در افغانستان مداخله می‌دانند.
ملا عبدالغنی برادر؛ معاون اول رییس دولت جم گفته‌است، تاجیکستان در امور داخلی افغانستان مداخله می‌کند. او هشدار داده که هر اقدامی واکنش نیز خواهد داشت.
ملا برادر می‌گوید که طالبان به کشورهای همسایه اجازه نخواهد داد که درگیری فرقه‌ای و قومی را به راه‌اندازد
